साफ यु–१५ फुटबलको तयारी पूरा

बिहीबारदेखि काठमाडौंमा हुने १५ वर्षमुनिको साफ च्याम्पियनसिप फुटबलको तयारी पूरा भएको छ । आयोजक अखिल नेपाल फुटबल संघ (एन्फा)ले मंगलबार पत्रकार सम्मेलन गरी तयारी पूरा भएको जनाएको छ । यही कात्तिक १७ गतेसम्म हुने साफ च्याम्पियनसिपमा नेपालसहित भारत, बंगलादेश, पाकिस्तान, भुटान र माल्दिभ्सले सहभागिता जनाउँदैछन् ।

प्रतियोगिताको लागि भारतबाहेक सबै टिम नेपाल आइसकेका छन् । भारतीय टिम बुधबार नेपाल आउने एन्फाले जनाएको छ । प्रतियोगितामा नेपाल समूह ‘ए’मा रहेको छ । नेपालको समूहमा बंगलादेश र माल्दिभ्स रहेका छन् । प्रतियोगिताका खेलहरु एन्फा कम्प्लेक्स सातदोबाटोमा हुनेछन् । नेपालले पहिलो खेलमा बिहीबार दिउँसो साढे ३ बजे माल्दिभ्ससँग खेल्नेछ ।

Facebook Comments