पोखरा प्रिमियर लिग क्रिकेट प्रतियोगिताको विजेतालाई २७ लाख नगद पुरस्कार

क्विइन्स इभेन्ट्स प्रा.लि.ले यही कार्तिक ९ गते बाट पोखरामा आयोजना गर्ने पोखरा प्रिमियर लिग (पिपिएल) टि–२० क्रिकेट प्रतियोगिताको विजेताले २७ लाख नगद पुरस्कार पाउने भएको छ ।

प्रतियोगिताको टाइटल स्पोन्सरमा नमस्ते प्रिमियम लागर बियरले सहभागिता जनाएसंगै प्रतियोगिताको पुरस्कार राशीमा भारी वृद्धि भएको हो । यससँगै प्रतियोगिताको नाम नमस्ते पोखरा प्रिमियर लिग रहने आयोजकले जनाएको छ । प्रतियोगिताको पावर्ड बाइमा ग्रान्डमास्टर त्रिपल एक्स रम रहनेछ ।

आयोजक क्विन्स इभेन्ट्सका अनुसार प्रतियोगिताको उपाधी विजेता टोलीले २७ लाख रुपैयाँ पाउनेछ भने उपविजेता टोलीले १० लाख रुपैयाँ प्राप्त गर्नेछ । यसबाहेक प्रतियोगिताको म्यान अफ द सिरिज, उत्कृष्ट ब्याट्सम्यान र उत्कृष्ट बलरहरुलाई भीजी अटोमोबाइल्सको तर्फबाट सुजुकी जिक्सर १ सय ५५ सीसी मोटरसाइकल प्राप्त गर्नेछन ।

तस्विर सौजन्य : सुर्दशन रञ्जित

व्यक्तिगत विधातर्फ विजेताले गिफ्ट ह्याम्पर पनि प्राप्त गर्ने आयोजकले जनाएको छ । प्रत्येक खेलमा रिलायन्स सुपर टेक सिमेन्ट म्यान अफ द म्याचले नगद १० हजार रुपैयाँ र प्रायोजकहरुबाट (एक्स्टेप, सुबीसु, आदि) ५ हजार बराबरको विभिन्न गिफ्ट ह्याम्पर प्राप्त गर्नेछन् । पीपीएलको हरेक खेलको विजेता टिमले रिलायन्स सिमेन्ट विनिङ बोनस स्वरुप नगद पुरस्कार १५ हजार ५ सय रुपैयाँ प्राप्त गर्नेछन ।

यसबाहेक प्रत्यक खेलमा क्लियर टिभी क्लियर क्याच बिजेताले वार्षिक सुबीसुको प्रिमियम प्याकेज प्राप्त गर्नेछन् । साथसाथै हरेक खेलमा सबैभन्दा कम बलमा अर्धशतक प्रहार गर्नेले सुबीसु फास्टेस्ट ५० विजेताले सुबीसुको तर्फबाट १ वर्षका लागि हाइस्पिड इन्टरनेट सुविधा पाउनेछन् । प्रतियोगिताको प्रवर्दनमा नेपाल पर्यटन बोर्ड, भिजिट नेपाल २०२०, राष्ट्रिय खेलकुद परिषद, पोखरा महानगरपालिकाको साथ रहेको जनाइएको छ ।

Facebook Comments