प्रधानमन्त्रीको फोटो बिगार्ने नेविसंघका कार्यकर्ता साधारण तारेखमा रिहा

कुकुर तिहारको दिन प्रधानमन्त्री केपी शर्मा ओलीको शरीरमा कुकुरको टाउको जोडेर फेसबुकमा शेयर गरेको आरोपमा पक्राउ परेका नेपाली कांग्रेस निकट नेवि संघका कार्यकर्ता साधारण तारेखमा रिहा भएका छन् । काभ्रेको स्थानीय तपेश्वर माविको नेवि संघ इकाइका अध्यक्ष कृष्ण ढकाललाई महानगरीय प्रहरी अपराध महाशाखाले पक्राउ गरी साइवर अपराधमा मुद्दा चलाएको थियो ।

शुक्रवार काठमाण्डु जिल्ला अदालतले ढकाललाई साधारण तारेखमा रिहा गरेको हो । साधारण तारेखमा रिहा भएका ढकाललाई स्वागत गर्न नेवि संघ अध्यक्ष नैनसिंह महर लगायत नेता कार्यकर्ता काठमाण्डु जिल्ला अदालत पुगेका थिए । ढकाल पक्राउ विरोधमा कांग्रेस निकट नेवि संघले देशैभर आन्दोलन गर्नुका साथै प्रधानमन्त्री केपी शर्मा ओलीको पुत्ला समेत दहन गरेको थियो ।

Facebook Comments