मुलुकमा सोचेजस्तो विकास हुन सकेनः प्रधानमन्त्री

प्रधानमन्त्री केपी शर्मा ओलीले सरकार गठन भएको ९ महिनाको अवधिमा सोचेजस्तो काम हुन नसकेको स्वीकार गर्नुभएको छ । सिंहदरबारमा नीति अनुसन्धान प्रतिष्ठानको बैठकलाई सम्बोधन गर्दै प्रधानमन्त्री ओलीले विकासले गति लिन नसकेकोमा असन्तुष्टि व्यक्त गर्नुभयो ।

मन्त्रालयका सचिब र केही मन्त्रीहरु सहित आयोजना गरिएको बैठकमा प्रधानमन्त्री ओलीले सरकारका नौ महिनामा सोचे जस्तो विकास हुन नसकेकोमा असन्तुष्टी व्यक्त गर्नुभएको हो । उहाँले नीति अनुसन्धान प्रतिष्ठानलाई सरकारको तर्फबाट कुनै दबाब वा हस्तक्षेप नहुने बताउनुभएको छ ।

प्रधानमन्त्री ओलीले देश विकासको नीति तर्जुमा गर्न अनुसन्धानमुलक र तथ्य ढंगले जानकारी ल्याउने उद्धेश्यले गठन गरिएको प्रतिष्ठानलाई कुनै कोणबाट सरकारले असहयोग नगर्ने स्पष्ट पार्नुभयो । विकास निर्माण अघि नबढ्नुमा नीतिगत समस्या पनि कारक रहेको प्रधानमन्त्री ओलीको भनाइ छ ।

Facebook Comments