स्वतन्त्र शैक्षिक परामर्श सघं गण्डकी प्रदेश गठन


शैक्षिक परामर्शहरुदाताको स्वतन्त्र छाता संगठन स्वतन्त्र शैक्षिक परामर्श सघं (फेकोन) गण्डकी प्रदेश समिती गठन गरिएको छ । स्वदेश तथा बिदेशमा पढ्न जाने बिद्यर्थीहरुका लागी शैक्षिक परामर्श दिदै आएका कास्की, स्याङजा, म्याग्दी, तनहँुमा सञ्चालित २५ भन्दा बढी शैक्षिक परामर्श संस्थाहरुको भेलाबाट समिति गठन गरिएको हो ।

भेलाले जागृत प्रसाद भट्टराई को अध्यक्षतामा ९ सदस्यीय समिति गठन गरिएको हो । समितिको प्रथम उपाध्यक्षमा शुनिल पराजुली, द्धितिय उपाध्यक्षमा सुजन बस्नेत, महासचिवमा बलराम तिमिल्सिना, सचिवमा विश्वप्रकास भुषाल, कोषध्यक्षमा संजय सुबेदी, सदस्यहरुमा राजु गौतम, पुष्पराज तिमिल्सिना सफल, नन्द पाईजा पुन रहनुभएको छ ।

सो अवसरमा संघका केन्द्रिय सल्लाहाकार सञ्जय घिमिरेले परामर्श दाताहरुको ब्यवसायिकता र मर्यादित सेवा प्रवाहमा माध्यमबाट बिद्यर्थीहरुलाई अधिकतम लाभ प्रदान गर्नू पर्नेमा जोड दिनुभयो । कार्यक्रमको सहजिरण गर्दै संघका केन्द्रिय महासचिव भुपाल तामाङ्गले फेकोनले सङख्यामा भन्दा पनी गुणस्तरमा केन्द्रित भएको संस्थाको रुप बताउनुभयो ।

नवनिर्वाचित अध्यक्ष जागृत भट्टराईले फेकोन अन्य शैक्षिक छाता सङगठनसगँ प्रतिस्पर्धा भन्दा पनि सबैले व्यवसायिक प्रतिस्पर्धा गर्न पाउनु पर्ने मान्यतालाइ आत्मसाथ गर्दै अघि बढ्ने प्रतिबद्धता व्यक्त गर्नुभयो ।

Facebook Comments