सरकारद्वारा २० अर्ब ५९ करोड ५३ लाख १३ हजार रकमान्तर

आर्थिक वर्षको अन्त्यतिर रकमान्तर गर्ने प्रचलन याे बर्ष पनि कायम रहेकाे छ । याे चलन नेपालमा धेरै पहिलेदेखि चल्दै अाएकाे हाे । आर्थिक वर्ष २०७५/७६ सकिनै लाग्दा सरकारले पछिल्लो दुई महिनामै २० अर्ब रुपैयाँ रकमान्तर गरेको छ ।

सबै भन्दा बढी प्रधानमन्त्री केपी ओली र सत्तारुढ दल नेकपाका अध्यक्ष पुषपकमल दाहाल प्रचण्डको क्षेत्रको सडक निर्माणका लागि रकमान्तर गरिएको छ ।

प्रचण्डको गृहजिल्ला चितवनमा पनि तराई मधेस सडक पूर्वाधार विशेष कार्यक्रमका ७ सडकका लागि प्रतिसडक ३ करोडका दरले २१ करोड रुपैयाँ रकमान्तर गरिएको छ ।

सरकारले वैशाख र जेठ महिनामा मात्र २० अर्ब ५९ करोड ५३ लाख १३ हजार रकमान्तर गरेको हो।

यसमध्ये वैशाखमा सर्वाधिक १६ अर्ब ९४ करोड ९१ लाख २० हजार रुपैयाँ बराबरको रकमान्तर भएको छ भने जेठमा ३ अर्ब ६३ करोड ९८ लाख ४३ हजार रहेको छ।

यस्तै सरकारले प्रधानमन्त्रीको जिल्लाका सडक बनाउन ३१ करोड रकमान्तर गरेको छ ।

Facebook Comments