श्रम ऐन तथा सामाजिक सुरक्षा सम्बन्धि प्रशिक्षण कार्यक्रम सम्पन्न

नेपाल ट्रेड युनियन कांग्र्रेस कास्कीको आयोजना तथा नेपाल कारखाना श्रमिक संघ कास्कीको समन्वयमा श्रम ऐन तथा योगदान मा आधारित सामाजिक सुरक्षा सम्बन्धि प्रशिक्षण कार्यक्रम शनिबार नेपाल ट्रेड युनियन कांग्रेसको सभाहलमा सम्पन्न भएको छ ।

कार्यक्रमका प्रमुख अतिथि नेपाल ट्रेड युनियन कांग्रेसका केन्द्रिय सल्लाहकार रामजी कुवरले ब्यानरमा हस्ताक्षर गरि कार्यक्रमको उद्घाटन गर्नुभएको हो ।

नेपाल टे«ड युनियन कांग्रेस कास्कीका अध्यक्ष विजयराज भण्डारीले कारखानाका श्रमिकहरुको माग सम्बोधनको लागि श्रमिक कुनै पनि संगठनमा आवद्ध हुन जरुरी रहेको र संगठन विना मागहरु पूरा नहुने अवस्था अहिले उद्योगमा देखिएको उल्लेख गर्नुभयो ।

तल्लो निकायको पारिश्रमिक बृद्धि हुँदा माथिल्लो तहको पारिश्रमिक अबश्य बढ्ने कुरा माथिल्लो तहका श्रमिकले बुझ्नु जरुरी रहेको समेत बताउनुभयो ।

विशिष्ट अतिथि नेपाल ट्रेड युनियन कांग्रेसका केन्द्रिय उपाध्यक्ष ललित श्रेष्ठ, उप महासचिव इश्वर परियार, गण्डकी प्रदेश अध्यक्ष मुरारी शर्मा, नेपाल ट्रेड युनियन कांग्रेस राष्ट्रिय समिति सदस्य जितबहादुर गुरुङ, नेपाल कारखाना श्रमिक संघका केन्द्रिय अध्यक्ष अमृत लाल जोशी, उप–महासचिव केशवराज भट्टराई, प्रदेश अध्यक्ष अनिल बास्ताकोटिले शुभकामना मन्तव्य ब्यक्त गरेका थिए । कार्यक्रममा श्रम ऐन तथा सामाजिक सुरक्षा सम्बन्धि प्रशिक्षण दिइएको थियो ।

नेपाल ट्रेड युनियन कांग्रेस कास्कीका अध्यक्ष बिजय राज भण्डारीको अध्यक्षतामा सम्पन्न भएको उक्त कार्यक्रममा नेपाल कारखाना श्रमिक संघ गण्डकी प्रदेशका सचिव सुरेन्द्रले स्वागत मन्तव्य र नेपाल ट्रेड युनियन कांग्रेस कास्कीका सचिव रुद्र तिमिल्सिनाले कार्यक्रम सन्चालन गरेका थिए । उक्त प्रशिक्षण कार्यक्रममा पोखराका विभिन्न उद्योगमा काम गर्ने श्रमिकको सहभागिता रहेको थियो।

Facebook Comments