विश्वभर कोरोना भाइरसबाट २ करोड बढी संक्रमित

विश्वभर कोरोना भाइरस(कोभिड–१९)बाट २ करोड बढीमा संक्रमण पुष्टी भएको छ ।

वर्ल्डोमिटरको पछिल्लो तथ्याकं अनुसार विश्वभर कोरोना भाइरस(कोभिड–१९)बाट २ करोड ३ लाख १७ हजार १ सय ८१ जनामा कोरोना भाइरसको संक्रमण देखिएको छ ।

हालसम्म ७ लाख ४० हजार २ सय ९१ जनाको कोरोना भाइरसको संक्रमणबाट मृत्यु भएको छ ।

हालसम्म १ करोड ३२ लाख ४० हाजर ८ सय ३६ जनासंक्रमित कोरोना भाइरसको संक्रमणबाट निको भइसकेका छन् ।

हाल विश्वभर ६३ लाख ३६ हजार ५४ जनामा कोरोना भाइरसको संक्रमण सक्रिय अवस्थामा रहेको छ ।

अमेरिकामा मात्रै एक चौथाई बढी संक्रमित
कोरोना भाइरसबाट संक्रमितमध्ये धेरै संख्यामा अमेरिकामा भेटिएका छन् । कूल संक्रमितको एक चौथाई बढी अर्थात् ५२ लाख ५४ हजार ५ सय ६१ जना संक्रमित अमेरिकामा भेटिएका छन् ।
यस भाइरसको संक्रमणबाट अमेरिकामा १ लाख ६६ हजार २ सय ९५ जनाले ज्यान गुमाएका छन् ।

अमेरिकापछि सबैभन्दा बढी ब्राजिलमा ३० लाख ५७ हजार ४ सय ७० संक्रमित भेटिएका छन् भने १ लाख १ हजार ८ सय ५७ जनाको कोरोना भाइरसको कारण मृत्यु भएको छ ।

दक्षिण एशियाली मुलुक भारतमा संक्रमितको संख्या २२ लाख ९४ हजार ४ सय ३८ पुगेको छ । संक्रमितमध्ये ४५ हजार ५ सय ९७ जनाको मृत्यु भएको छ ।

रसियामा ८ लाख ९७ हजार ५ सय ९९ जना संक्रमितमध्ये १५ हजार १ सय ३१ जनाको मृत्यु भएको छ ।

दक्षिण अफ्रिकामा ५ लाख ६३ हजार ५ सय ९८ सय जना संक्रमितमध्ये १० हजार ६ सय २१ जनाको मृत्यु भएको छ ।

मेक्सिकोमा ४ लाख ८५ हजार ८ सय ३६ जना संक्रमितमध्ये ५३ हजार ३ जनाको मृत्यु भएका छ ।

पेरुमा ४ लाख ८३ हजार १ सय ३३ जना संक्रमितमध्ये २१ हजार २ सय ७६ जनाको मृत्यु भएको छ ।

कोलम्बियामा ३ लाख ९७ हजार ६ सय २३ जना संक्रमितमध्ये १३ हजार १ सय ५४ जनाको मृत्यु भएको छ ।

चिलीमा ३ लाख ७५ हजार ४४ जना संक्रमितमध्ये १० हजार १ सय ३९ जनाको मृत्यु भएको छ ।

स्पेनमा ३ लाख ७० हजार ६० जना संक्रमित भेटिएका छन् भने २८ हजार ५ सय ७६ जनाको मृत्यु भएको छ ।

बेलायतमा ४६ हजार ५ सय २६ जनाको कोरोना भाइरसका कारण मृत्यु भएको छ भने ३ लाख ११ हजार ६ सय ४१ जनामा कोरोना भाइरसको संक्रमण देखिएको छ ।

इरानमा ३ लाख ३१ हजार १ सय ८९ जना संक्रमितमध्ये १८ हजार ८ सय जनाको मृत्यु भएको छ ।

साउदी अरब, पाकिस्तान, बंगलादेश, अर्जेन्टिना, इटाली, टर्की, जर्मनी, फ्रान्समा हरेक मुलुकमा २ लाख नाघेको छ ।

पछिल्लो दक्षिण एशिया र अमेरिकामा कोरोना भाइरसको संक्रमण बढ्दो छ ।

विश्व स्वास्थ्य संगठन र जनस्वास्थ्यविज्ञहरुले दक्षिण एशियाली मुलुकमा कोरोनाको जोखिम रहेकाले संयमता अपनाउन अपिल गरेका छन् ।

परीक्षणबाट पुष्टी भएकाभन्दा १० गुणा बढीलाई कोरोना भएको हुन सक्ने विज्ञहरुको अनुमान रहेको छ ।

Facebook Comments