भारतका पूर्व राष्ट्रपति प्रणव मुखर्जीकाे गम्भीर अवस्थामा उपचार हुँदै

कोरोना भाइरस (कोभिड–१९) को संक्रमण पुष्टि भएका भारतका पूर्वराष्ट्रपति प्रणव मुखर्जीको स्वास्थ्य अवस्था गम्भीर भएपछि अस्पतालमा उपचार भइरहेकाे छ ।

भारतको नयाँ दिल्लीस्थित सैनिक अस्पतालमा मुखर्जीकाे ब्रेन सर्जरी भएको थियो । सर्जरीपछि मुखर्जीकाे स्वास्थ्य अवस्था नाजुक बनेको हो । मुखर्जीकाे अहिले भेन्टिलेपउटरको सहायतामा राखिएको छ ।

सोमबार ८४ वर्षीय मुखर्जीले आफू कोरोना संक्रमित भएको जानकारी दिएका थिए । उनले सामाजिक सञ्जाल ट्वीटरबाट उक्त जानकारी दिएका हुन् ।

भारतीय राष्ट्रपति रामनाथ कोविन्दले उनले शीघ्र स्वास्थ्यलाभको कामना गरेका छन् । भारतीय रक्षामन्त्री राजनाथ सिंहले पनि नयाँ दिल्लीको सैनिक अस्पतालको भ्रमण गरी मुखर्जीको स्वास्थ्यस्थितिबारे जानकारी लिएका छन् ।

त्यस्तै भारतीय कांग्रेसका नेता राहुल गान्धीले पनि मुखर्जीको स्वास्थ्यलाभको कामना गरेका छन् ।

Facebook Comments